مشترياتي من موقع ايهرب ..

الموقع يتضمن منتجات منوعه من صيدلية .. ماركت .. مكياج
وجودتها على حسب آراء المتسوقيين عااليه
وفيكم تطالعون تقييم أي منتج حابينه والرفيو عنه ..

ومايحتاج شركة شحن أو عنوان أمريكي ..

الطلب يستغرق من خمس أيام الى اسبوع ومرات أقل ..

انا بعد اسبوع من الطلب وصل لحد بااب بيتي ..
المفروض بعد خمس أيام على حسب التتبع بس اذكروا
بيتأخر الى يومين تقريبا ..لوجود مشاكل ..

واتصل الموزع حقهم على جوالي واطلب عنوان البيت ..

يعني أهم شي لما تسجلين في الموقع .. تذكرين البلد + المكان اللي انتي فيه سواء المدينة أو القرية + رقم الجوال

كذا بتظمنين بعد الله سبحانه طلبيتك ..
والطلبة كلفتني مع الشحن 400 ريال وشوي
مع خصم عشره بالميه لأني حطيت كود في نهاية عملية الشراء HTJ903

أغلب طلبيتي زيوت لأنها مخلصه وبعضها كاان على وشك ..

وتعتبر الزيوت طبيعية ..

من اليسار
زيت الجلسرين ..

زيت الخروع
مويه ورد

زيت اللوز

من اليمين ...

زيت الجوجوبا

زيت النعناع
زيت فيتامين اي

كريم لليدين بزيت الأرقان

فرشاة ريل تكنيك للباودر

وزبدة الشيا الخام وايلد
نسيت أصورها
لب استيك فيتامين اي

مصورته بس ماصغرت الصورة نسيت .. مناسب لتحت العين والشفايف
غطاه منكسر شوي
للمعلوميه ..
 لموقع اي هرب له شركتين لنقل البضاعة تختارين وحده منهم وهم ..DHL و UPS
أنا اخترت الثانية UPS مع انها على حسب بحثي
بأنها أغلى من الأوله بس اللي خلاني أشتريها
لأنها أضمن لوصول المنتجات ومااتتجمرك ..

وعلى حسب بحثي ..
الجمارك شااده حيلها من تااالي خاصة مع الفيتامينات
وشغلات الحمية ..
بس فيه كثيير منهم نجوااا
وأيضا الجمارك تشدد ع الحمولات الكثيرة اللي بقيمة ثلاث آلاف ريال وأكثر..

 

طيب وش انطبااعاتي ..

الزيوت .. مثل ماشفتوا حجم كبير وصغير ..
حضرتي الله يجزاني خير أرصع وبس
مادققت مرره أهم شي عندي تقييم المنتج

زيت الخروع قوامه غليظ أكثر من زيت الخروع من وادي النحل ..
زيت النعناع مركز مايصلح يستخدم بالحاله ولا بيصير مضر
لازم يخلط مع زيت يخففه شوي
مثل زيت اللوز الحلو ...
أستخدمه مع زيوت الشعر..
أكتفي بنقطتين منه مع الزيوت ..
والزيت يحفز نمو الشعر
شفت هنديه في اليوتيوب تستخدمه شعرها مايحتااج أقول وشو
تحط خمس نقاط من زيت النعناع المركز+ ثمان ملاعق كبيره زيت اللوز الحلو ..

كريم اليدين بالأرقان ..حليو مو على قد المدح
يدبق في البداية بعدين تمتصه البشرة وفيه ريحه مو حلوة بس خفيفة وتروح بسرعه ..

تونر الساحرات بموية الورد والصبار
منتهى الروعه ريحته ورد ويرطب البشرة خلصت العلبة وبعيد ان شاءالله الشراء
ويجلس فتره طويله رغم استخدامي المتكرر ..