L'Occitane | Aromachologie Refreshing Aromatic Deodorant

ديودرنت .. مزيل رائحة العرق من لوكستيان ..

من الموقع ..

يتكوّن مزيل الرّائحة هذا من الزيوت العطريّة المستخرجة من الليمون الحامض والهال واليوكاليبتوس، وهو مزيج يساعد على إزالة التوكسينات والتلوّث كما أنّه يزيل الرّوائح ويطهّر الجسم ويساهم في إبقاء البشرة جافّة كلّ النّهار.

غير مناسب للاستعمال خلال الحمل أو الفترة اللاحقة به

تجربتي ..

رائحته خفيفة ..مثل الليمون واضح جدا ..

قوامه خفيف مثل بيزلين .. سيباميد ..يستمر لساعات محددة .. اذا فيه نشااط ..أو الطقس حاار ..

بس في هـ الأجواء جييد ممكن يستمر يوم كامل ..

يختلف عن البقية في شي واحد .. يجف بسرعة بعد مده على الجلد ..

بكذا مـ يؤثر على الملابس ..

سعره 109 رياال ..<~ سعره ع العلبة ..
مع الاستعمال اليومي ممكن ينتهي بعد شهر ..

لن أعيد الشرااء .. أفضل سيباميد عليه أكثر ..

* تمنيت ذكر عدم استخدامه للحامل من البائع ..عند الشراء ..
ولا أدري وش سبب المنع ..

شامبو سيبوديتوكس ..

للشعر الدهني ...التوازن الحمضي 6.5 ... شامبو لاعادة توازن افراز الدهون بفروة الرأس يحتوي على مستخلصات الأعشاب البحرية أسباراجوبسيس أرمانا وأرنيكا مونتانا ..
يزيل الدهون الزائدة التي يتم افرازها كما يعمل على توازن وظائف فروة الرأس ..
كما تعمل تلك التركيبة الخاصة من معادن وعنااصر أوليجو على تغذية فروة الرأس بالأكسجين
كما أنها تمنح الشعر حيوية فائقة وحجما وكثافة رائعتين ..

تجربتي ..
ماشفته عالج الدهون أو وازنها .. نفس أي شامبو اليوم نظيف بكرا يبدا يدهن ..
يمكن العيب من شعري وخاصة من قداام ..بصرااحة أشوف شعري مختلط لوول زي البشرة المختلطة ..
من قدام دهني ومن ورا عاادي ..
من ناحية الفوليوم بالفعل يعطي ومناسب لو كنت معزومة وبضبط شعري بالفير أو غيرة ..
اللي حمسني أشترية وجود الأعشاب البحرية ذكرني بشامبو BIG من LUSH
بس هذاك يعطي فوليوم أكثر ..
بعد استخدامه مثل أي شامبو طبي أو طبيعي يفضل حماام زيت ع الأطراف أو بلسم
لأن الشعر بيصير جااف جدا ..
سعره 75 ريال تقريبا ..
من الصيدلية ..

ذوقي في الأرواج أميل أكثر للورديات الفاتحة والوسط ثم النيود ثم الكورال ..
الأحمر ودرجااته مااآخذه الا اذا شدني مثل هـ الاثنين ..

الروجين فيهم شبه كبيرمن ميبليين وفور ايفر

وبنفس الوقت لونهم جمييل جدا .. أنثوي .. يحلون الفيس .. وماانحتااج معااهم ميكب الا شي بسيط
مثل بي بي كريم أو مااشابه .. ماسكارا .. ترتيب الحواجب .. وشوي بلاشر ع تفااحة الخد
وبرأيي ماايصلحون للصبح .. من العصر وطاالع ..

من تحت .. من فور ايفر..

Make Up For Ever – Rouge Artist Intense Mat #6

  

توتي لذيذ .. الفنش ..مات .. دافئ .. مناسب للشتا وبرأيي كل السنة بيمشي ..
تغطية كااملة ومع انه مطفي بس شفايفي مااتقشرت ..ويفضل قبله مرطب ..
واذا كاانت الشفايف جافة ومتقشره لابد من مقشر ثم ترطيب
لأن الروج المطفي يبين العيوب ..
عندي بقية الدرجاات ..من 1الى 6 .. لو حااابين تكلمت عنها ..
سعره \ 110ريال

الثاني.. Maybelline color sensational 540
hollywood red
المجموعه كولور سنسايشنال فيها ألواان جدا جمييلة وسعرها منااسب
الروج كريمي .. واللون قابل للبناااء ..يعني ممكن نكتفي بطبقة خفيفة بيعطينا لون طبيعي .. وممكن نزيد ..
لونه أحمر يميل للوردي أما روج فور ايفر يميل للبنفسجي ..
سعره \38 ريال تقريبا

Sephora Kohl Waterproof Eyeliner

قلم كحل من سيفورا ..ووتر بروف .. ضد الموية ..

جمييييييييل جدا ..ليش ؟؟

لأنه كريمي وسهل المد ع العين .. ممكن أكتفي بخط ناعم ع حدوود الرمووش

وممكن .. أزين .. الكحل المجنح .. الكاات آيز أو سمووكي ..

وش حبيت يجي ..

الميزة الثانية والمهمة .. مااايسيح مع جفوني الدهنية .. يمكن أحيانا يطبع شوي للرموش السفلية

يعني شي بسييط مو ملحوظ.. مو كأنه هاالات ..
وهذا يصير غالبا في الدواام ..يمكن ..لأني أتحرك كثير وأتكلم كثيير وأضحك كثيير
فـ المفروض أثبته بـ الشدو ..

الجهه الثانية بتشوفون مساحة .. لدمج الكحل .. حلييوه ..بس أفضل الفرش لأن تنظيفها صعب شوي ..
وممكن تستخدم لمسح الكحل بعد تبليلها بمزيل مكياج العيون <~ ماحبيت كذا

عيبه بعد ماتخلصيين الكحل قرب يخلص .. من ناااحيتي .. قلم الكحل لازم أبريه قبل الاستخداام
لأن عيوني حسااسة .. بتدمع وبيخرب كل شي ..

وشي صحي بري القلم لأن العيين بطبيعتها حسااسة ..

سعره في الستيين تقريبا ..طبعا من سيفورا

MAC 'Indianwood' paint pot

شدو كريمي من ماك .. لونه ننحااسي ..

يتوزع ع الجفن المتحرك بالاصبع أو الفرشاة ..

أفضل الاصبع .. يمد ويتوزع بسهوله .. ويعطي تدرج للشدو ..

يعني كأنك تعباانه ع الشدو .. ممكن نكتفي بكذا مع كحل وماسكرا ..

وممكن نمد ع كسرة العين شدو بني مطفي .. وهذا اللي غالبا أسويه ..

وممكن ندمج معه شدو بلون مناسب ع طرف أو منتصف الجفن الثابت ..
وأحيانا أحط منه مسحه خفيفة ..يعطي لوك جميل للعين ..
ولونه مشابه لشدو ماك الباودر Woodwinked
للأسف نسيت أصور وتشوفون التشاابه ..ان شاءالله لاحقا ..

والبعض يستخدمه كقاعده لشدو بااودر ..

عموما ..ه الاثنين أستخدمهم لو بغيت ميكب سريع وواااثقه بيصيير حلو ..
الروج أفضله نيود مع شوي بلاشر ..

السعر يمكن.. 110 ريال ..

ويمكن تغير سعره

منتج الاسبوع ..

Burberry Light Glow Natural Blush Tangerine

تجااربي في الميكب مع هـ البرااند قليلة ..

من أجملها .. البلاشر .. اللون وااضح .. ثاابت .. ولايبهت البشرة ..

مدري متى شااريته يمكن من سنه ..حتى سعره نااسيته ..
بس أكييد موأقل من 150رياال ..

اللون عكس اسمه .. بيشي على بيج .. مراااا حلو ع الخد

ويعطي اشراقه جميله .. على الرغم انه الفنش حقه مااات ..

طبعا أي فرشاة ممكن تمشي معه ..

بس أفضل الكابوكي من فور ايفر
Foundation Kabuki - Medium - 110

تلقط اللون مثل مااهو وتمد اللون ع الخد بشكل طبيعي ومندمج

طبعا أحااول آآخذ شوي من البلاشر ..

حتى ماايصير اللون مباالغ فيه خااصة للصبح ..

اللي مااتقدر ع كابوكي فور ايفر أرشح لها

كابوكي من بودي شوب .. عندهم أنوااع انتبهواا ..

مقااربه لها من حيث النعوومه والفعاالية ..

سواتش ..قوقل ..

قبل الدمج وبعده ..

حااولت أدوره ع الفيس .. بس ماتوفقت بصورة صااحيه ..

أتمنى أعجبكم ..

 

منتجات انتهت ..بح ..ج2

ع اليمين مقشر من ناتشورال كير أعتقد باللافندر نااسيه رميت العلبه للأسف ..

المقشر كريمي + حبووب صغاار وكباار ..

ماأعجبني أبد .. فرحححت لما خلص .. ليش .. لأني لو أستخدمه بدون ماأضيف له زيت اللوز مثلا ..

بيصيير كأن قبييلة نممل شااافت أكل ع الأرض وهجمت عليييه ..عليييه تقريييص مهوووب صاااحي ..

اللي بعده مقشر جلام قلو .. وسبق وتكلمت عنه غصين الباان ..

رااااائع الى أبعد حد .. البشره كأنه مسويه فيشل لبشرتي في العياادة ..

البشرة تلق لق .. غير النعووومه ..

ع اليمين ..مزيل المكياج من لانكوم ..

Galatéis Douceur

للبشرة العادية والمختلطة .. منظف حليبي يزيل مكيااج العيون والوجه ..

بس أنا أستخدمه للوجه .. أما العيون من بيوديرما ..

رأيي فيه .. للمكياج الخفيف جدا فعاال أما الثقييل يبقى .. مايزيله كله ..

مدة الاستخدام ست شهور بعد الفتح والعلبة كبيره ..

يعني اللي ماتحط مكيااج الا ناادرا بتخلص مدته وبعده ماااخلص ..

وريحته فرش ونظااافه ..

بعد تنظيف البشره بالغسول أستخدم التونر..

Tonique Douceur

مكتوب عليه خالي من الكحول .. بس يجفف البشره مع الاستخداام

لذلك تركته ماكملته حاليا أستخدم موية الورد الباردة ..

لن أعيييد الشرااء ..

.. كنت أعااني من تساقط خفييف الى وسط ..

وسوييت تحااليل .. الحمدلله جييده

استخدمت الشامبو من دوكري مع الامبولات .. خلص الشامبو وشريت ثااني

وأبدددد مااافااد ..

بعدها استخدمت شامبو فيشي ديركووس لتساااقط الشعر

الشامبو الوحيد الذي يحتوي على أماينيكسيل، وهو الجزيء التجميلي المضاد لتساقط الشعر< ~ من الموقع

وماشاءالله

ناااسبني وخفف التساااقط لحد كبيير ..

بعييد شراائه ومعه الامبولات .. مخططه أستخدمهم في الاجاازة لأن استخدامهم للدواام مرهق ..

ويمكن أنسى ..

اللي بالوسط شامبو فيتو بالليمون للشعر الدهني .. Phyto Phytocedrat Shampoo

خاالي من المواد المضره للشعر ..

من مكوناته روزماري، نبات القراص، والمريمية والأرقطيون) المخلوطة مع الليمون

عيبه الشعر بعده ليفه ,, لذلك لابد من بلسم أو حماام زييت

لأطراف الشعر .. لتطرية الشعر وتنعيمه ..

مستقبلا ممكن أعييد شراائه ...لأن حاليا عندي غيره من شركة ثانية بس مابعد جربته ..

أسعارهم من 70 ريال الى 90 ريال تقريبا

شور جل من لوكستيان اسمه شيري بلووسووم .. حلو للصبااح مع المجمووعه من لوشن وعطر

اللي بعده كريم لليدين من مجموعة الخلود ..طبعا شريته على مدح أرتووس ..للتفتييح +حمااية من الشمس

تمتصه البشره بسرعه وريحته على أعشااب

لو أشوفه بعييد شرااءه ..لأني أحب منتجاات هـ الشركة ..تحترم المستهلك

للمكونات الجيدة للمنتج +الشكل ..

سعره =170ريال

من نيفيا أكسبريس ..للأيدي العادية الى الجافة بالأملاح المعدنية ..

Nivea Express Hydration

تمتصه البشره بسرعه .. وهذي وظيفته ترطيب لداخل الجلد ..

ماحبيته ولن أعييد شرااءه ..

سعره = يمكن 15 ريال

منتجاات انتهت .. بحححح ؟؟

مراااحب..

منتجاات انتهت .. بحححح ؟؟

التدوينه مثل مااهو واااضح بالصوره منتجاات انتهت .. رأيي فيها اللي بحااول يصيير مختصر وهل برجع أشتريها ..

كريم للعيون من بوبي برااون Extra Repair Eye Cream

ترطيبه جدااا عاالي اسم على مسمى.. وهذا اللي حببني فيه ..أستخدمه قبل النوم

وقبل الكونسيلر حتى مايخطط وأصلا أي مرطب للعيون بيؤدي الغرض ..

أستخدمه لمنطقة تحت العين مو على الجفن ..

لأن جفني بالأصل دهني ومع ه الكريم الدسم أخااف يترهل ..

وبعديين داائما أسمع ..اتركوا الجفن الكريم بيمتد له ..

عيبه ينتهي بعد ست شهور من الفتح مع ان هذي المفروض برأيي تكوون مييزه

لأنه يحسسني الموااد الضارة أقل ..

بس مثل ماااقلت ترطيبه عاالي والكريم ثقيل ومااناخذ منه الا نتفه فـ اللي ماتستخدمه كثيير بتنتهي مدته وبعده مااخلص ..والحمدلله خلص على المدة بالضبط ..

سعره تقريبا 400 وشوي ..من هارفي نيكلز ..

يمكن تشوفونه غاالي ولو حسبنااها .. كريم العيون سعره عاادة يبدأمن 50 ريال الى ميه وشوي ويخلص لو انتظمنا عليه في شهريين تقريبا ويمكن أقل بيخلص ونبدأنشتري ثااني

لو حسبنااها كم كريم نشتريه في ست شهوور.. كم قيمته ..

طولتها وهي قصيره .. خخخخ الا أقنعكم في سعره

أعجبني جداا وبرجع أشتريه مستقبلا

ع اليسار كريم العيون من ايزيس LIGHT EYES

قوامه خفيف وتمتصه البشره ويرطب ..

طريقة توزيعه .. نتحسس العظم المحيط للعين ونمشي عليه بالخنصر نبدا

من الزاويه الداخليه من عند الأنف ونطلع فوق لتحت الحاجب حتى الجفن السفلي

اللي بعده سيروم من بودي شوب

Nutriganics™ Smoothing Serum ... سيروم من مجموعة الأورجانيك

لتنعيم البشره وحمايتها من التجاعيد والخطوط الدقيقة

ترطيبه عميق كنت أستخدمه الصبح وبعده الواقي من الشمس مررره ناااسب بشرتي ..سعره أظن 80 ريال

بس مع الاستخدام اليومي حدده شهر ويخلص ...30 ملل ..

الكريم اللي بعده من نفس المجموعه للنهار أستخدمه بعد الدواام بعد ماأنظف بشرتي ..

أعجبوني وجربت كريم الليل للأسف مانااسب بشرتي جففها وخشنها ..ماأدري ليه

يمكن مكونااته ماناسبت بشرتي .. خليته ليديني ..

سبب اختياري لما سبق ..لأنها أغلب مكوناتها أورجانيك تحمس للتجربة ..

ووقتها مخلصه كريماتي وكنت حاطه في بالي كريمات معينه بس مو موجوده عندنا ..فـ على مااتتوفر استخدمتها ..

لو حاابين تتعرفون على بقية المجموعه طلوا هناا

هل بعييد شرائها .. ممممم أكثر شي ممكن أشتريه السيروم .. لأني حبيت قوامه وترطيبه ..