نصائح للشعر الدهني ..

الشعر الدهني ..معاانااة ..كنت أغسل شعري يوم وترك بـ شامبوات طبية أو خالية من السليكون والمواد الضارة .
.بس قريت انه كثرة غسل الشعر بتضره وتفقده فائدةالزيوت اللي يفرزها ..
فـ كييف أتجنب المظهر الدهني المقزز ..
يعني الوحده منااا ..تكشخ وتتجمل ثم آخرتها شعرها يقووطر زييت

لحل المشكلة ..
أستخدم الشامبو الجاف ع يسار الصورة .. Dry Shampoo من Batiste
واحد بلون بني اسمه ..Medium & Brunette
والثاني الزهري أبيض ..Blush ..بريحه خفيفة ..

بداية استخدامي للشامبو الجاف كان من لوش ..
كان صعب واللون الأبيض ماكان يختفي بسرعه مثل ماأشوف في اليوتيوب ..
جلس عندي فتره طويله ثمن رميته ..

رجعت وشريته من بوتس قلت يمكن لأنه سيراي بيختلف الوضع ..
بس للأسف نفس النتيجه كنت بعد بخه ع الجذور أمشطه ..أمسج الشعر بدون فاائده

جربت أمشط الشعر بـالروول ..بسرعه اختفى ونجح معي المنتج ..
وبـ الفعل اختفت الدهوون طواال اليوم وحتى اليوم الثاني ..
تجربتي الناجحة كانت في الشتا ..ماأدري في عز الصيف وش بيصير
هل بيستمر مفعوله في ازالة الدهون أو بيختفي بعد سااعات

والميزة الثانية .. يعطي حجم للشعر ..Volume
لذلك أستخدمه أحيانا في المناسبات مع الفير أو الستريت ..

المكونات
البوتان، الأيزوبيوتان، أوريزا ساتيفا (رايس) نشاء، البروبان، الكحول دينات، عطر (العطر)، الكومارين، الأوجينول، الليمونين، بيوتيل فينيل ميثيل بروبيونال، لينالول، Distearyldimonium كلوريد.

وممكن نستخدم أشياء أخرى موجوده في المطبخ مثل ..
النشا ..بودرة الكاكاو بدون سكر ..
نحط كمية مناسبة في اليد ثم بشويش نفرك الجذوور ..
بصرااحه ماجربتها ..

الطريقة الثانية ..

وضع بيكربونات الصودا مع الشامبو ..
لو بحثتم في قووقل بتتعرفوون على فوائدها ..
منها ينظف فروة الشعر من الدهون ومن تراكمات منتجات الشعر ..القشرة..
الطريقة ..
تقريبا ..ملعقة صغيره مع الشامبو +شوي موية..
الكمية مناسبة لشعري ..
اليوم الثااني ..كل ماشفت المراية انبسطت ...الشعر ماادهن ..
والشعر شكله صحي ولمعه طبيعية ..
بدا يدهن اليوم الثالث ..

فيه البعض يستخدم بيكربونات الصودا كـ شامبو..
وضع مقدار مناسب للشعر مع مويه في انااء ويمسج فيه فروة الشعر ..
ثم بغسل ..ثم الخل أبيض أو خل التفاح
حتى يزيل بقاايا البيكربونات ثم يشطف بموية مقطرة ..

ماقد جربت هـ الطريقة ان شاءالله بجربها تحمست لها ..

طييب متى أستخدمهم ..الشامبو الجاف أو بيكربونات الصودا مع الشامبو ..
على حسب حااجتي ..ممكن مرة بالاسبوع وممكن مرة في الشهر
وممكن يمر شهر مـ استخدمتهم ..

ماأنصح بـ استخدامهم أكثر من مرة في الاسبوع ..الاعتدال مطلوب ..
الافراط والمبالغة لهم عوااقب وخيمة ..
+ننتبه لتاريخ البيكنج صودا ..
اللي في الصورة ينتهي بعد شهر من فتحه لذلك حاطين
مكان تحت الفتحة لتدوين التاريخ ..اليوم ..الشهر ..السنة ..

دمتم بـ جمال ..